auf Hochdeutsch

Seniorenbiraat vun de Stadt Eckernföör

Dat is de Opgaav vun den Seniorenbiraat, sik in de Verwalten, Raatsversammeln un Utschüsse för de Interessen vun de ölleren Minschen intosetten. He kann dat dörch Andrääg in all Afdelen vun de Stadt doon , aver ok mit de Raatsparteien över de Begehren vun de Generatschoon 60 plus diskereren.
De Maten vun den Biraat dreept sik jeden 2. Middeweken in‘n Maand in de Tiet vun Klock 11-12.30 in‘t Börgerhuus, Raathuusmarkt 3. Elkeen Börger/in is hartlich inlaadt.
Opto gifft dat jeden 1. Maandag in‘n Maand in‘t Börgerhuus en Seniorenfröhstück, wenn möglich mit Vördrääg.
De Seniorenbiraat is an den 9. November 2020 för dree Johr wählt worrn un besteiht ut söven Maten.



Wat wi uns vörnahmen hebbt

Wi wüllt,dat de Eckernförer Generatschoon 60 plus weet, dat dat uns gifft, dat de Politik al fröh spitz kriggt, wo uns de Schoh kniepen deit un sik sodennig beter för uns Anliggen insetten köönt. Dat drippt op all Rebeten vun uns Stadt to. So hebbt wi faststellt, dat sik enige Maatnahmen in de Verkehrspolitik wenig üm Minschen scheert, de op Hölp/Hölpsmiddel anwiest sünd, wenn se sik fortbewegen wüllt. Ok in de Wohnungspolitik sünd Verbetern nödig un möglich. Wi warrt uns hier mit vulle Kraft insetten.

Wi roopt all Börgers un Börgerinnen to: Kaamt to uns Veranstalten un wiest, dat jüm dorbi mithölpen wüllt, all dat to erholen un wieder to entwickeln, wat uns schöne Stadt bitherto so levensweert maakt hett! De Seniorenbiraat steiht jüm alltiet för Fragen, Utkünpfte, Anregen un Kritik to Verfögen.