auf Hochdeutsch

Gliekstellensbüro

    * Wüllt Se mehr över dat Thema Gliekstellen weten?
    * Föhlt Se sik benadeligt oder diskrimineert?
     * Bruukt Se Hölp oder Beraden?
    * Hebbt Se Ideen un Anregen för de Gliekstellensarbeit?
"Minschenrechte hebbt keen Geslecht" (Hedwig Dohm)
In uns Verfaten vun den 23. Maimaand 1949 steiht in Artikel 3, Satz 2, dat Mannslüüd un Fruunslüüd gliekberechtigt sünd. Ut dissen Grund hett dat Land Sleswig-Holsteen 1994 en Gliekstellensgesett op den Weg bröcht. Dorna gifft dat nu in jedeen Gemeen en Beopdragte för de Gliekstellen vun Mann un Fru. Överall dor in de Politik, wo dat um Fragen twischen Mann un Fru geiht, mööt de Beopdragten höört warrn.

Wat maakat en Gliekstellensbeopdragte?
Kort un bünnig: Se schall den Gliekstellensgedanken in de hele Verwalten föddern dörch Wiederbilden un Fruunsfödderplaans, is aver ok tostännig bi Personalanglegenheiten (Instellen ü. a.). Dat kann se op’t best, wenn se eng mit de politischen Krinks tosamenarbeiten deit. Ehr mutt Utkunft geven warrn, wenn se dat fellert. Ok kann se för de enkelten Utschüsse Beslussvörlagen levern, wenn dat vun de Saak her nödig is. Eenmol in’t Johr mutt se güntöver de Raatsversammeln Bericht geven över dat, wat se daan hett. En grote Deel vun ehr Arbeit besteiht ü. a. dorin, de Börgers/schen över dit Gender-Thema to informeren, "nachhaltig", as dat vundag niedüütsch heet. In Artikel 3, Satz 3 vun uns Verfaten steiht allens bin, wat en Börger över Gliekberechtigen weten mutt.