auf Hochdeutsch

Dat Klimaschutzkunzept

De Klimaschutz is nich blots en groot Anliggen vun de Regeren in Berlin un annerwegens in’e Welt. Ok de Stadt Eckernföör hett sik dat ehrgiezige Teel to Bost nahmen, mittohölpen, dat de Energiewenn klappen deit. Dat kann aver blots lücken, wenn Gemenen, Ünnernehmen un Börgers dor jemehr Bidrag bi leisten doot. De Stadt hett de Fa. B.A.U.M.-Consult ut Hamborg den Opdrag geven, en Klimaschutzkunzept för de hele Stadt op de Benen to stellen. Projektdräger Jülich vun dat Umweltmisterium hett den Andrag op finanzielle Hölp na en Utschrieven – dat güng um 70.000 Euro Gesamtkossens – tostimmt, un so kunn de Fa. B.A.U.M.-Consult losleggen. (För 65% vun de Summ kunn en Toschuss geven warrn.) Toeerst muss för en Gesamtöverblick rutfunnen warrn, woveel Energie-thermische, elektrische un bi den Verkehr (Drievstoff) – verbruukt worrn un wa groot de CO2-Utstoot is. In en tweten Schritt muss doröver nadacht warrn, wat för anner alternative Energieformen dat geven würr, de den CO2-Utstoot minnern kunnen. Intwischen sünd nu twee Klimaschutzkunferenzen dörchföhrt worrn. Dat, wat heel wichtig is för dat integreerte Gesamtkunzept, is op’t letzt in en Vörlaag fastholen worrn. Versorgers un Interessenverbännen hebbt mitholpen, dat en Leitbild un Kuntrullsystem för tokamen Tieden entstahn kunn. Dat Klimaschutzkunzept is an den 15. Dezembermaand 2015 vun de Raatsversammeln in Eckernföör beslaten worrn.

Anstoot för den Klimaschutz

Mit de "Nationale Klimaschutzinitiative" hölpt dat Bunnesumweltministerium siet 2008, dat Projekte anstött warrt, de de Drievhuuswirken minnert. De ehr Programme sünd duerhaft utricht un reckt vun Maatnahmen, de foorts umsett warrn schüllt (köönt) un de, de noch Tiet bruukt. Disse Veelfolt is en Stütt för gode Ideen.

Klimaschutz ok vör Oort, dor hebbt ok de Verbruker(schen), Gemenen un de Inrichten, de mit Bilden to doon hebbt, en groten Vördeel vun. Dit Kunzept, dat mutt noch mol seggt warrn, warrt vun dat Bunnesministerium för Umwelt, Naturschutz, Bu- un Reaktorsekerheit fördert.