Bilden (Bildung) in Eckernföör
Eckernföör leggt groten Weert op Bilden, so as anner Gemenen ok. Hier gifft dat all Schoolafslüsse, de jungen Lüüd mööt de Schangsen blots griepen, de se hier anbaden warrt. Blangen de öffentlichen Scholen gifft dat ok Scholen in frie Drägerschop. Behinnerte Jungs un Deerns warrt tosamen ünnerricht, dat heet denn Inklusion. För de Öllern, de arbeiten mööt, gifft dat in de Grundscholen siet enige Johren de Fasten Grundschooltieden, ok in de Ferien un dormet Sekerheit bi dat pesönliche Planen. För de wiederföhren Scholen gifft dat grote Paketen an Namiddagsanbotten, dor kann sik jedereen utsöken, wat to em / ehr passt.
Totiets besöökt 3.010 Jungs un Deerns de allgemeenbilden Scholen in Eckernföör, dorvun 1.269 ut dat Eckernförer Umland.
Faste Grundschooltieden
Faste Grundschooltieden gifft dat siet 1991 an all de Grundscholen, wo de Stadt de Schooldräger is. För de Kinner beedt de Fasten Grundschooltieden en Oppassen, wo sik de Öllern op verlaten köönt, un dat vör un na den Ünnerricht: maandags bit friedags vun klock söven (7) bit klock halvi negen (8.30) un namiddags vun klock halvi twölf (11.30) bit klock veer (16.00). Wenn’t nödig is, köönt de Kinner in de Harvst- un Oosterferien un in de eersten dree Weken vun de Sommerferien för de Tiet vun klock söven (7) bit klock veer (16.00) anmeldt warrn.
Wenn Se dor mehr över weten wüllt, klickt Se man op den Link .