auf Hochdeutsch

Patenschoppen

Ehemolige Seestadt Pillau (vundag Baltijsk, Russland)

An den 10. September 1955 hett de Eckernförer Raatsversammeln beslaten, dat de Stadt Eckernföör de Patenschop för de Seestadt Pillau övernehmen warrt. Se schall de Erinnern an de düütsche Süsterstadt in’n Oosten wohren un plegen, ok dat Standbild vun den Groten Kurfürsten in de Borbyer Anlagen an den Vogelsang in Gewohrsam nehmen, so lang, bit dat an den olen Platz in Freden un Frieheit torüchkehren kann.

Hier dreept sik Johr för Johr, tomehrst an’t eerst Augustwekenend, de Maten vun de Heimatgemeenschop Pillau e.V.

Düütsche Privotschool Feldstedt in Dänemark

Siet 1950 gifft dat in Feldstedt wedder en düütsche School, grünnt vun den Oortsvereen "Bund Deutscher Nordschleswiger". En Johr later hett de Plattdüütsch Gill Eckernföör de Patenschop övernahmen, 1953 denn ok de Stadt Eckernföör. Beid geevt se en dägte finanzielle Sprütt för den lopen Schoolbedriev. All twee Johr besöcht en Schölergrupp ut Feldstedt Eckernföör, un an den 20. Dezember dreept sik all Paten, ok de Stadt Heid un de Kreis Rendsborg-Eckernföör, op Inladen vun de School to en Wiehnachtsfier. Dat’s al Traditschoon.