auf Hochdeutsch

Kuntaktbörs för Generatschonen. Wi wüllt, dat de Generatschonen miteenanner stark maakt warrt.

De Kuntaktbörs för Generatschonen warrt vun den Arbeitskrink "Initiative zur Zusammenführung von Jung und Alt" anbaden. Disse Kring is Deel vun dat "Lokale Bündnis für Familie in Eckernförde". De Börs schall, as en Brüch, Jung un Oolt tosamenföhren, wat se den Alldag beter humstern köönt. Se is Anloopsteed för all de, de söökt un de söcht warrt un de Hölp un Raat bruukt.

Dat wüllt wi anbeden:

* Ünnerstütten bi dat Oppassen vun Kinner

* Wiedergeven vun Weten un Insichten

* Herstellen vun soziale Kuntakten

* Hölp bi’t Inkopen

* Oppassen vun Senioren

* Mitgahn na Behörden un Dokters

* Ünnerstütten bi Naverschopshölp

Dat allens is blots mööglich, indem dat uns ehrenamtli Hölpers to Siet staht. Dat kann eersmolig, op en Tiet fastsett oder duerhaft ween. Disse Anbotten sünd keen Ersatz för de Arbeit vun Ruumplegers/schen.

Wokeen wüllt wi anspreken?

All Minschen, de hölpen wüllt oder Hölp nödig hebbt.

* Se wüllt geern Weten un Insichten wiedergeven.

* Se laat sik geern Raat geven un hölpen

* Se möögt Kinner

* Se möögt sik geern mit anner Generatschonen uttuuschen.

* Se köönt sik vörstellen, Hölp antobeden

* Se köönt sik vörstellen, Hölp antonehmen

Denn sünd Se bi uns richtig. Meldt Se sik eenfach bi uns. Wi freut uns op Se.