auf Hochdeutsch

Seniorenbiraat vun de Stadt Eckernföör

De Seniorenbiraat – dat seggt disse Naam al – sett sik för de Interessen vun de ölleren Minschen in, un twors in Verwalten un Politik. He deit dat, indem dat he Andrääg an de Utschüsse un Raatsversammeln stellt, wo bin steiht, wat de Generatschoon sössdig plus föddert. He kann aver ok direktemang mit de Politikers diskureren. Eenmol in de Maand gifft dat en Seniorenfröhstück, opto den enen oder anneren ünnerholsamen Bidrag. Ok en Sitten för de Öffentlichkeit höört dorto. De will amenn ok weten, wat för de ölleren Minschen in Eckernföör bitherto daan worn is un tokamen Tiet daan warrn schall. De Biraat is an den 11. Juli 2017 för dree Johr wählt worrn un besteiht ut söven Maten.




Worüm wi in de Gangen sünd

Wi wüllt de Interessen vun de ölleren Minschen in de Utschüsse un in de Raatsversammeln en Stimm geven, uns för en barrierefrien Utbu vun de Kieler Straat un anner Straten in de Binnenstadt stark maken, ok för öllersgerechten Wahnruum un betreutet Wahnen neeg bi de "Nooröffnung", de en ok noch betahlen kann. Schön weer‘t wenn dat verbilligte Monatskorten för den Busverkehr in Eckernföör geven würr. Man, dat’s nich lichtto, de Politikers dorvun to övertügen. Vör uns liggt noch en groot Stück Arbeit, ok bi dat Thema "verbilligte Kulturangebote". Dat beweegt uns, un wi wüllt hopen,dat uns annere Organisatschonen dorbi orrig ünner de Arms griepen warrt.

Spood för den Seniorenbiraat

De Stadtverkehr Eckernföör bütt op den 1.4.2017 en Seniorenfohrkort an. Dat's en Monaatskort för all Fruuns-un Mannslüüd över 63 Johren, kost 33,90 Euro un kann bi den Busfohrer köfft warrn. Disse Fohrkort is um 6 Euro billiger as bitherto. Dor freut sik de Biraat düchtig över. En mutt sik allerdings utwiesen könen.

En vörherige Andrag bi den Sozialutschuss vun de Stadt harr keen Mehrheit funnen.