Woans en Natur ok beleven kann (Natur belebbar machen)

Dörch dat gröttst internatschonale Filmfestival op’t europäische Fastland för Naturfilme. Dat hett sik al lang överall herumspraken un is en heel anner Aart vun Veranstalten as Wacken. 2007 is dit grootorrig Festival vun Eckernförer Börgers op de Benen stellt worrn, un de Besökertall wasst un wasst. De Tokiekers köönt hier mit de Hölp vun disse Filme Natur ok dor beleven, wo se nich oder man blots swor henkamen köönt: In de aflegensten Dele vun de Kontinenten. Wat dat in Eckernföör to beleven gifft, is op de Sieden vörweg al lang un breed seggt un op’t letzt vun Michael Packschies so kommenteert worrn:

"Dat langt nich, sik Natur vun wieden antokieken. En mutt merrn mang in de Natur ween un to’n Bispill de Blööm rüken, de Kraft vun de Wellen spören un de Farven un de Formen vun en Mussel (Muschel) in de Hand bewunnern könen. Wokeen eenmol op en Boom klattert is, süht dissen Boom mit anner Ogen, ok dat dichte Holt, dörch dat he sik dörchraakt hett."